Бүгд найрамдах улсаа тунхагласны 94 жилийн ойд зориулсан Улс, аймгийн алдар цолтой 128 бөхийн барилдаан 11-р сарын 26-ны 13:00 цагаас “Спортын төв ордон”-д болно.
Улс тунхагласны барилдаан олон жил тасралтгүй зохиогдож буй томоохон барилдаануудын нэг бөгөөд ахлах цолтнууд олноор барилддаг чансаатай барилдаан юм.
Тус барилдаанд улсын дархан аварга Б.Бат-Эрдэнэ зургаан удаа, улсын аварга Ч.Санжаадамба таван удаа /сүүлийн гурван жил дараалан/, дархан аварга Г.Өсөхбаяр гурван удаа, улсын аварга Д.Сумьяабазар хоёр удаа, улсын гарди И.Доржсамбуу хоёр удаа тус тус түрүүлжээ.
