Өсвөрийн шатарчдын Ази тивийн аварга шалгаруулах тэмцээн Тайландын Чанмай хотод болж энэ оны 04 дүгээр сарын 9-ний өдөр Рапид, Блиц тоглолтын дүн гарч, тэмцээний хоёр төрөлд 26 орны 600 орчим тамирчид оролцсоноос Монголын тамирчид амжилттай оролцсон байна.
Тэр дундаа Ховд аймгаас оролцсон зургаан настай Ховд аймгийн Алтай сумын Улсын аварга малчин Дамдинбазарын ач М.Ялгуун охин рапид төрөлд Алтан медаль, блиц төрөлд Мөнгөн медаль хүртэж, Ази тивийн аваргын хос алт, мөнгөн медаль хүртжээ.
