Японы мэргэжлийн сүмо бөхийн 70 дахь Их аварга Харумафүжи Д.Бямбадоржийн зодог тайлах ёслол энэ сарын 30-нд буюу Ням гарагт болно.
Харумафүжи Д.Бямбадорж 28 насандаа Японы мэргэжлийн сүмо бөхийн Макүүчи буюу дээд зиндааны 2012 оны долоо, есдүгээр сард түрүүлснээр 70 дахь их аварга цол хүртсэн юм.
Харин түүнийг зодог тайлах болсон үйл явдлын талаар Кёкүшюзан Д.Батбаяр “Зөв ойлгох хэрэгтэй. Харумафүжийг сүмод би өөрөө оруулсан. Сайхан барилдаасай, сайн аварга болоосой. Зодгийг нь битгий тайлуулаасай гэж хүсч байна.. Гэтэл хэвлэл мэдээллээр янз бүрээр бичээд байна. Цөөхөн хүн бичиж байгаа байх” гэсэн байр суурь илэрхийлж байлаа.
