Нүүр хуудас Улс төр БШУЯ-ны Сайд Л.Энх-Амгалан Элчин сайд М.П.Сингхийг хүлээн авлаа

БШУЯ-ны Сайд Л.Энх-Амгалан Элчин сайд М.П.Сингхийг хүлээн авлаа

6
0
enhamagaln
БШУЯ-ны Сайд Л.Энх-Амгалан Элчин сайд М.П.Сингхтэй уулзлаа

Сайд Л.Энх-Амгалан өнөөдөр /221-03-16/ Бүгд Найрамдах Энэтхэг улс /БНЭУ/-аас Монгол Улсад суугаа Онц бөгөөд Бүрэн эрхт Элчин сайд М.П.Сингхтэй уулзлаа.

Уулзалтын эхэнд УИХ-ын гишүүн, Боловсрол, шинжлэх ухааны сайд Л.Энх-Амгалан цар тахлын үед хүн амаа вакцинжуулах ажилд Энэтхэг улс бодитой дэмжлэг олгосонд талархаж буйгаа илэрхийлээд, Энэтхэгээс вакцин авахад Элчин сайдын хувь нэмэр их байсныг онцоллоо.

Тэрбээр, “Боловсрол, шинжлэх ухааны сайдын ажлыг авснаас хойш эхний ээлжинд COVID-19 цар тахлын үеийн хичээлийн хоцрогдлыг арилгахад онцгой анхаарч байна. Судалгаагаар 174 мянган хүүхэд хичээлийн хоцрогдолтой. Энэ нь ерөнхий боловсролын сургуулийн сурагчдын 26 хувь юм. Хэрвээ он дуустал хичээл, сургуулийг нээхгүй бол бүтэн хоёр жилийн хоцрогдол бий болно. Энэ нь Монголын ирээдүйд маш их хохиролтой болохыг Дэлхийн банкны хийсэн судалгаа сануулсан” хэмээгээд хичээл, сургуулийн ажилд боломжит дэмжлэг үзүүлэхийг хүслээ.

Боловсрол, шинжлэх ухааны сайд Л.Энх-Амгалан энэ Засгийн газрын нэг том зорилт бол боловсролын реформ. Иймээс салбарын багц хуулиудыг удахгүй өргөн барьж энэ хаврын чуулганаар хэлэлцүүлэхээр төлөвлөж байна гэлээ. Монгол Улсын Засгийн газар, Энэтхэг Улсын Засгийн газар хоорондын төсөл хөтөлбөрүүдийг эрчимжүүлэхэд онцгой анхаарахаа мэдэгдлээ.

Энэтхэг улсаас Монгол Улсад суугаа Элчин сайд М.П.Сингх боловсрол, шинжлэх ухааны сайдын ажлыг боломжит бүх аргаар дэмжин ажиллахаа хэлээд сүүлийн 2 жил Энэтхэг улсаас олгох тэтгэлгийн тоо нэмэгдсэн болохыг дурдлаа. Мөн багш нарын англи хэлний хөтөлбөрийг эрчимжүүлэн, цахимаар хичээлийг оруулах боломжтой гэлээ. Үүнээс гадна Энэтхэг улсын хөнгөлөлттэй зээлээр барьж буй Газрын тос боловсруулах үйлдвэрийн монгол инженер, мэргэжилтнүүдийг сургах ажил амжилттай үргэлжилж байгааг тодотголоо.

Жил бүр 5000 оюутныг сургах Энэтхэгийн Мэдээлэл, харилцаа холбооны технологи, аутсорсингийн сургалтын төвийг Улаанбаатар хотод барьж байгуулах гэрээг Монгол, Энэтхэгийн тал байгуулсан.

ХАРИУ ҮЛДЭЭХ

Please enter your comment!
Please enter your name here