УИХ-ын 2016 оны намрын ээлжит чуулган аравдугаар сарын 3-нд нээлтээ хийж, 2017 оны хоёрдугаар сарын 10-нд завсарласан билээ. МАН-ын үнэмлэхүй олонх бүтэцтэй парламент ажлын 85 өдөр чуулжээ. УИХ-ын нэгдсэн хуралдаан 34 удаа болж, Байнгын болон дэд хороод 140 удаа хуралдсан байна.
Намрын ээлжит чуулганаар бие даасан 22 хууль, хуульд өөрчлөлт оруулах тухай 190 хууль, зээлийн хэлэлцээр соёрхон батлах тухай гурван хууль, УИХ-ын 59 тогтоолыг хэлэлцэн баталжээ.
Ингээд Хууль зүйн байнгын хороо өнөөдөр /2017.02.16 Пүрэв/ 11.30 цагаас “В” танхимд хэвлэлийн хурал зохион байгуулж, УИХ-ын 2016 оны намрын ээлжит чуулганы хугацааны үйл ажиллагааныхаа тайланг танилцуулж, мэдээлэл хийхээр болсон байна.
