Хойд Солонгос улс устөрөгчийн бөмбөгтэй болсон талаар тус улсын төрийн мэдлийн “KCNA” агентлаг мэдээлэв. Тус агентлаг энэ амралтын өдөр эрдэмтдийн шинээр гаргаж авсан устөрөгчийн бөмбөгтэй танилцаж буй удирдагч Ким Чен Уны зургийг цахим сайтдаа нийтэлжээ. Хойд Солонгос улс өнгөрсөн сард шинээр үйлдвэрлэсэн алсын тусгалтай пуужинг Япон руу хаясан билээ. Тэгвэл энэхүү пуужинд дээрх устөрөгчийн бөмбөгийг суурилуулахаар төлөвлөж буй талаар албаныхан өгүүлэв.
Шинээр үйлдвэрлээд буй уг баллистик пуужин 10 мянган км зайнд тусч, АНУ-ын газар нутгийн хаана ч хүрэх чадвартай гэнэ.
