Өмнөд Африкийн Кейп Таун хот 90 хоногийн УСНЫ НӨӨЦТЭЙ байна
Дэлхийн аялал жуулчлалын томоохон төвийн нэг Өмнөд Африк улсын нийслэл Кейп Таун хот ердөө 90 хоногийн усны нөөцтэй болсноо зарлаад буй билээ. Нөөцийн хомсдол сүүлийн гурван жил үргэлжилсэн гангийн улмаас үүссэн бөгөөд энэ нь дөрвөн сая хүн амтай метрополитан хот усны нөөцгүй болсон анхны тохиол юм.
Хотын захиргаа усгүй болох аймшигт өдрийг дөрөвдүгээр сарын 12-ний өдөр хэмээн албан ёсоор мэдэгдсэн. Энэ тухай Кейп Таун хотын дарга Патрисиа Де Лилл ард иргэддээ усны хэрэглээгээ эрс багасгахгүй бол үүнээс ч богино хугацаанд хуурай хот болно хэмээн анхааруулсан байна.Ийнхүү Кейп Таун хотын иргэдийн өдөр тутмын амьдрал зөвхөн усны төлөөх тэмцэл болж хувирав.
Тэд хувцас угаасан усаа нойлдоо ашиглаж, өдөрт 90 секундээс ч бага хугацаанд усанд ордог болжээ. Мөн гар ариутгагч шингэн хамгийн их борлуулалттай бүтээгдэхүүн болсон аж.
