Avengers уран сайхны киноны төгсгөлийн анги болох “Avengers Endgame” ердөө хоёрхон хоногт дэлхийн хэмжээнд 305 сая ам.долларын орлогыг цуглуулж, бокс оффисын амжилтуудыг эвдээд байна.
“Marvel”-ын кино ертөнцийн 22 дахь бүтээл, Avengers цувралынхаа 4 дэх анги болох “Endgame” ийнхүү бүтэн жилийн хүлээлтийг тайлж, кино сонирхогчидтойгоо уулзаад удаагүй байгаа билээ.
350 сая долларын зардлаар бүтээгдсэн кино 3 хүрэхгүй хоногийн дотор л зардлаа нөхөж байгаа нь энэ кино ямар чанартай, чансаатай, шилдэг бүтээл болсныг илтгэж байгаа юм.
Түүнчлэн кино шүүмжлэгчдийн “Rotten Tomatoes” сайт-д “Avengers Endgame”-ын үнэлгээ 96 хувьтай байгаа нь маш өндөр үзүүлэлт билээ.
