Авлигатай тэмцэх газрын даргын баталсан удирдамжийн дагуу тус газрын Аюулгүй байдал, хяналт шалгалт, нууцын албаны дарга, ахлах комиссар Т.Төгөлдөрөөр ахлуулсан ажлын хэсэг Баянхонгор аймгийн ИТХ, Засаг даргын Тамгын газар болон бусад төрийн байгууллагуудад ажиллаж, авлигын эсрэг хууль тогтоомжийн хэрэгжилт, Авлигатай тэмцэх газраас хүргүүлсэн Зөвлөмжийн биелэлттэй танилцав.
Ажлын хэсэг Баянхонгор аймгийн Жинст, Богд, Баянцагаан суманд ажиллаад дараа нь Говь-Алтай аймагт хүрэлцэн очив. Одоогоор тус аймгийн Чандмань, Бигэр, Халиун суманд ажиллаж байна.
Авлигатай тэмцэх газрын ажлын хэсэг 10 дугаар сарын 24-ний өдрөөс Завхан аймагт ажиллана.
