БНСУ хилийн урьдчилан шалгах системийг энэ сарын нэгнээс нэвтрүүлж эхэлсэнтэй холбоотойгоор манай улсын иргэд зайлшгүй визтэй зорчих шаардлагатай болоод буй. 2004 онд хоёр улс тохиролцсоны дагуу хоёр улсын хооронд харилцан визгүй зорчдог байсан иргэдийн асуудлаар Гадаад харилцааны сайд Ц.Мөнх-Оргил Элчид сайд У Сунгтай уулзаж, ярилцлаа.
Уулзалтын үр дүнд визгүй зорчдог байсан иргэдэд олон удаагийн визийг хөнгөлөлттэй нөхцлөөр олгох тал дээр тохиролцоонд хүрчээ. Олон удаагийн виз нь таван жилийн хүчинтэй бөгөөд хоёр жилийн хугацаанд 4, эсвэл нийт 10 удаа хилээр нэвтэрсэн иргэдэд олгох юм.
