НҮБ-аас 2030 он хүртэлх тогтвортой хөгжлийн зорилгуудыг тодорхойлсон бөгөөд эдгээр 17 зорилгын зургадугаарт бүх нийтийн ус, бохир, эрүүл ахуйн асуудлыг шийдэх гэж орсон байдаг. Уг зорилгын 6.2 дугаарт бүх оронд ил задгай бие засахыг зогсоох, охид, эмэгтэйчүүд болон усны хомсдолд амьдардаг эрсдэлт бүлгийн хүмүүст ариун цэвэр сахих боломж бүрдүүлэх зорилт дэвшүүлсэн байна. Гар угаах дэлхийн өдөр нь бүх орны эрх баригчдад эдгээр зорилгыг сануулах сайхан боломж ажээ.
