~Говь-Алтай аймагт газар хөдлөв~
Говь-Алтай аймгийн Бугат сумын төвөөс баруун хойд зүгт 18 км-т орших Биж багийн “Бүс хайрхан” гэдэг газарт өчигдөр буюу 7 дугаар сарын 30-ны өдрийн 12:59 цагт 4.3 магнитудын хүчтэй газар хөдлөлт болжээ.
Энэ талаар Онцгой байдлын ерөнхий газар тус аймгийн Онцгой байдлын газраар дамжуулан тус аймгийн Ус цаг уур орчны шинжилгээний газрын Бугат өртөөний ахлах техникч Ч.Батмөнхөөс тодруулахад иргэдэд чичирхийлэл мэдрэгдсэн бөгөөд хохирол учраагүй тухай мэдээлсэн байна.
