Онцгой байдлын алба хаагчид Дорнод аймагт гарсан хээрийн түймрийг өнөөдөр унтраалаа. Тус аймгийн Баян-Уул сумын нэгдүгээр багийн нутаг Зүрхийн даваа гэдэг газар, сумын төвөөс хойд зүгт 50 км-т Хилийн 0275 дугаар ангийн “Ульхан” заставаас зүүн зүгт өчигдөр 6:26 цагийн орчимд галын дуудлага ирсэн байна.
Энэ дагуу Онцгой байдлын газрын Гал түймэр унтраах, аврах 53 дугаар ангийн 12 алба хаагч, Хилийн цэргийн 11 алба хаагч, орон нутгийн 4 хүн, нийт 27 хүн, 3 автомашинтай 18:10 цагт очиж ажиллан 19:40 цагт бүрэн унтраажээ.
