Монгол бөхийн өргөөнд зохион байгуулагдах үйл ажиллагааг түр хугацаагаар зогсоов.
Тодруулбал Монгол бөхийн өргөөнд зохион байгуулагдах үйл ажиллагааг өнгөрсөн бямба гарагаас түр хугацаагаар зогсоож, цагдаагийн хамгаалалтад авчээ.
Зөрчил шалган шийдвэрлэх тухай хуулийн 5.3-т заасныг үндэслэн барилга байгууламж, хүний амь бие, эрүүл мэндэд хохирол учирч болзошгүй байх тул прокурорын зөвшөөрлөөр Баянзүрх дүүргийн цагдаагийн II хэлтсээс үйл ажиллагааг нь түр зогсоосон байна.
Ингэснээр өчигдөр болох байсан улс, аймгийн алдар цолтой чансаа өндөр бөхчүүдийн “Сонгинохайрханы хишиг” барилдааныг хойшлуулсан юм.
