Орон сууцанд гарсан галыг бүрэн унтраажээ
Баянзүрх дүүргийн дөрөвдүгээр хороо, “Home plaza” худалдааны төвийн ард баригдсан 43 дугаар байрны 13 давхрын наймдугаар давхарт өнөөдөр 12.40 цагийн үед гал гарчээ.
Онцгой байдлын газрын гал унтраах ангийн алба хаагчид шуурхай ажиллаж, 13.30 цагт гарсан гал түймрийг бүрэн унтаарсан байна.
Юунаас үүдэж гал гарсан нь тодорхойгүй байгаа бөгөөд одоогоор галын шалтгаан нөхцөлийг тогтоохоор галын шинжээчид ажиллаж байгаа аж.
