Сүхбаатар аймгийн Сүхбаатар сумын Хулгар багийн “Өлзийт” гэдэг газар 14000 га талбайг хамарсан хээрийн түймэр гарчээ.
Тодруулбал, хээрийн түймэр гарсан тухай дуудлага гуравдугаар сарын 14-ний өдрийн 17:35 цагт Онцгой байдлын газар ирсэн байна.
Дуудлын дагуу холбогдох алба хаагчид очиж, тухайн өдрийн 23.00 цагийн орчимд галыг цурамд оруулжээ. Улмаар гуравдугаар сарын 15-өдрийн 08:00 цагт бүрэн унтрааж, тус сумын Байгаль орчны улсын байцаагчид хүлээлгэн өгсөн байна.
