Монголын үндэсний олимпын хорооны тэргүүн дэд ерөнхийлөгч, “Токио-2020” олимпын наадамд оролцох Монголын багийн ахлагч Б.Баттүшиг Япон улсаас Монгол Улсад суугаа Онц бөгөөд, бүрэн эрх Элчин сайд, ноён Такаока Масатотай уулзжээ.
Уулзалтаар хоёр орны спортын хөгжил, хамтын ажиллагааны талаар санал солилцож, “Токио-2020” олимпын наадмын үеэр Токио хотноо Монгол Улсын соёл, ёс заншил, спорт, олимпизмийн түүхэн замналыг олон нийтэд сурталчлах “Mongolia House” байгуулан ажиллахаар төлөвлөж буй гэдгээ дурдаад, хамтран ажиллахыг хүссэн байна.
