“Яармагийн хүүхдүүд” ТББ санаачлан Яармагийн хүүхдүүд фэйсбүүкийн группийн залуустай хамтран оюутан сурагч, хүүхэд залууст зориулсан номын кафе байгуулахаар болжээ.
Одоогоор кафен байрыг засах ажил ид өрнөж буй бөгөөд удахгүй нээлтээ хийх кафе ашиглалтад орсноор хүүхэд залуус тухтай орчинд цай кофе уунгаа ном уншиж, уншсан номынхоо талаар уулзалт ярилцлага хийн, хичээлээ давтаж, интернэтэд холбогдон мэдээлэл солилцох боломж бүрдэх юм.
