Өнгөрөгч гуравдугаар сарын 30-ны өдрийн 08.25 цагт Дундговь аймгийн цагдаагийн газрын утсанд дуудлага иржээ. Иргэн М-ээс ирсэн “Жорлонд хүнд төрөөд, хүүхдээ унагачихлаа” гэсэн мэдээллийн мөрөөр мөрдөн байцаагч, дэслэгч Б.Даваадорж шуурхай ажиллаж, дөнгөж төрсөн нярайг аварчээ.
Онцгой байдлын аврагчдыг хүлээвэл хугацаа алдаж, нярай амь алдах эрсдэлтэй байсан тул дэслэгч Б.Даваадорж жорлонгийн гишгүүр модыг хөшиж сугалаад, нүх рүү орж нярайг аварчээ.
Эх хүүхдийг тэр даруй аймгийн Нэгдсэн эмнэлгийн “Төрөх” тасагт хэвтүүлж эмчлүүлсэн бөгөөд хүүхдийн бие сайн байгаа аж.
