Жил бүрийн гуравдугаар сарын 22-нд казак үндэсний Наурызын баяр болдог. Уг баярыг угтаж Баян-Өлгий аймгийн Залуучуудын холбоо “Казак ёс заншлыг сурталчлах өдөрлөг”-ийг өнөөдөр зохион байгуулах юм.
Залуучуудын холбооны байрны урд талбайд болох өдөрлөгийн үеэр домборын аялгуу сонирхуулж, зочид төлөөлөгчдийг тусгайлан бэлдсэн казах үндэсний гэрт урьж, Наурыз көже уулгаж, казах үндэсний идээ будаагаар дайлж, танилцуулах гэнэ. Мөн энэ үеэр казах үндэсний эдлэлийн үзэсгэлэнг дэлгэх аж.
