Монголын кино урлагийн салбарыг хөгжүүлэх, дэлхийн нэр хүндтэй наадмуудад шалгарсан кино бүтээлийг Монголын үзэгчдэд хүргэх зорилготой 10 дахь удаагийн “Улаанбаатар” Олон Улсын Кино Наадам 2018 оны 10-р сарын 22-28-нд Улаанбаатар хотноо зохион байгуулагдах гэж байна.
Энэ удаагийн наадмын хүрээнд Нийслэлийн Соёл Урлагийн Газраас санаачлан “Монгол кино бүтээлийн” уралдааныг 2 дахь жилдээ нээлттэй зарлаж, “Уран сайхны кино”, “Баримтат кино”, “Хүүхдийн кино бүтээл”, “Нээлтийн кино” гэсэн
дөрвөн төрөлд тус бүр нэг кино бүтээлийг шалгаруулж 2018 оны 10-р сарын 15-ны өдөр зохион байгуулагдах наадмын нээлт, шагнал гардуулах ёслолын үеэр цом, өргөмжлөл, мөнгөн шагналаар шагнах юм.
