2017 онд Чингэлтэй дүүргийн 25 жилийн ой тохиож байна. Энэ хүрээнд дүүргийн цэцэрлэгүүд олон бүтээлч ажил өрнүүлж байгаагийн нэг нь Дэлхийн зөн олон улсын байгууллагын дэмжлэгтэй “Хамтдаа хөгжье-2” төсөлт ажил юм. Энэхүү төсөлт ажлын зорилго нь төрөл бүрийн материал ашиглан сэдэвт тоглоом боловсруулж, олон хувилбартай, шинэлэг шийдэлтэй арга зүйг нэвтрүүлэх, байгууллага, багш нарын сайн туршлага, шилдэг технологийг түгээхэд оршиж байна. Төсөлт ажлын нэгдүгээр шатны шалгаруулалт үргэлжилж байна. Цэцэрлэг бүр сонгосон сэдвийн хүрээнд төсөлт ажилд идэвхтэй оролцож байгаа юм гэж Чингэлтэй дүүргийн ЗДТГ-аас мэдээллээ.
