“Чингис хаан” Олон улсын нисэх буудлын татваргүй барааны хэсэгт гал гарчээ. Гал өчигдөр буюу энэ сарын 10-ны орой 23.00 цагийн үед “Орем дюти прий” тасагт гарсан байна. Тус тасагт архи, тамхи, үнэртэй ус зардаг бөгөөд гал гарах үед Хилийн цэргийн 0218 ангийн ээлжинд гарсан ажилчид яаралтай арга хэмжээ авснаар унтраажээ. Хэрэв цаг алдсан бол их хэмжээний хохиролтой гал авалцах байсан гэдгийг эх сурвалжууд мэдээллээ.
