Зуны дунд улаан морь сарын есөн улаан мэнгэтэй улаагчин хонь өдөр
Аргын тооллын: 2017.7.19, Лхагва гараг
Билгийн тооллын: 26, Буд гараг
Наран ургах шингэх: 05.13-20.43
Барилдлага: Үхэх
Шүтэн барилдлага: Авахуй
Өнөөдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эм найруулах, гэргий авах, үс авах, элч зарах, эд авахад сайн. Зүүн нүд татвал хэрүүл, тэмцэл болох, баруун нь бол эд хувцас олох, зүүн чих нь цангинавал зочин ирэх, баруун нь бол гаслан болох, нохой уливал галзуурах, хэрээ гуаглавал ураг садан эндэх, тагнай загатнавал хэн нэгний үхсэнийг сонсох, бие татвал гэнэт зочин ирэх, хөл татвал үхэл болохыг үзэх . Үс шинээр авахуулах буюу засуулбал жаргал үргэлжид ирнэ.
