Урлагийн их тайзнаа “Шуранхай” хамтлагаараа овоглон олонд танигдсан гэхээсээ илүү УИХ-ын гишүүн, МУГЖ С.Жавхлангийн гэргий хэмээвэл түүнийг таних нэгэн цөөнгүй биз ээ.
Гэр бүлийн амьдрал зохиож, гурван хүүхэд төрүүлсэн уртын дуучин Г.Эрдэнэчимэг сүүлийн жилүүдэд нөхөртэйгээ хамтарч дуулах болсон.
Авьяаслаг бүсгүй “Монгол Улсын соёлын тэргүүний ажилтан” хэмээх эрхэм хүндтэй цол тэмдгээр энгэрээ мялаагаад байна.
Урлагт оруулсан хувь нэмрийг нь үнэлж ийнхүү шагнасанд баярласан Г.Эрдэнэчимэг
“Төр засаг, түмэн олныхоо их хайр хүндэтгэлийг хүртэж МОНГОЛ УЛСЫН СОЁЛЫН ТЭРГҮҮНИЙ АЖИЛТАН хэмээх эрхэм хүндтэй цолны эзэн боллоо. Хань, үр хүүхэд, ах дүүс, найз нөхөд, элэг нэгт Монгол түмэндээ гялайлаа”
хэмээн талархжээ.
