Хошин урлагийн адтай авьяастай, сэргэлэн бүсгүйчүүдийн нэг Г.Нарансолонго гурав дахь хүүхдээ өнгөрөгч долдугаар сард өлгийдөн авсан.
Өөрийн аз жаргалтай амьдралыг цогцлоож, өнөр бүлийн гэрийн эзэгтэй болоод буй тэрээр шууд л төрөх орон дээрээсээ селфи хийн, түмний ундаа гэдэг шиг нийтэд ил болгоод авсан.
Авьяаслаг бүсгүй Алдарт эхийн одонд одоо тун ойрхон ирлээ.
Айл гэр, албан гээд олон ажлыг амжилттайгаар нугалж яваа бүсгүйн нууц нь түүний нөхөр ажээ. Урлагийн гал тогоонд хамтдаа буцалж буй үлгэр жишээ хосууд хэмээн тэднийг нэрийдэх хүмүүс ч цөөнгүй. Жүжигчин О.Тэмүүжин буюу цоглог Тэмкаг та бид авьяаслаг жүжигчин, бүжигчин гэдгээр нь илүүтэй сайн мэднэ.
Харин энэ удаад Тэмка үлгэр жишээ аавын дүрээр эргэн ирж, гурав төрсөн ч гунхаж яваа бүсгүйчүүдийн тоог Г.Нарансолонго ийнхүү нэгээр нэмлээ.
