Модель Б.Галбадрах зорилтот бүлгийн бяцхан хүүхдүүдэд “БЭЛЭГ” өгнө
Загварын тайз гэдэг аливаа хүнийг өв тэгш биеэ зөв авч явах, зөв хувцаслах, олон нийттэй зөв харилцах гээд олон талын хүмүүжлийг олгодог онцлогтой.
Б.Галбадрах нь “Монгол модель”-ийн топ модеь, “UB Fashion week”-ын топ модель, “Mister World” дэлхийн эрэгтэйчүүдийн хамгийн том тэмцээнд тооцогддог сайхан залуу шалгаруулах тэмцээнд улсаа төлөөлөн анх удаа оролцсон . Түүний загварын ертөнцөд үзүүлсэн амжилтыг дурдвал цөөнгүй ажээ.
Сайхан залуусын төлөөлөл болсон тэрээр Шинэ жилийн баяр дөхсөн энэ цаг үед нэгэн сайхан зүйлийг эхлүүлээд байгаа юмсанж. Хотоос алслагдсан дүүрэгт амьдардаг, зорилтот бүлгийн төлөөлөл болсон бяцхан хүүхдүүдэд “БЭЛЭГ” тарааж байгаа гэнэ.
Бяцхан хүүхдүүдийн зүрхэнд итгэлийн гал асааж тэднийг баярлуулах ажил нь ийнхүү гуравдахь жилдээ үргэлжилж байгаа аж.
Залуу хүний хүсэл мөрөөдөл ямагт хязгааргүйд тэмүүлдэг гэдэг. Өөрийн хийж чадах зүйлээр бусдад бага ч атугай тус хүргэж буй танд ажлын өндөр амжилт хүсье.
