~Хөрслөг бор арьс, хөвсгөр урт үс нь LEONA LEWIS-ыг санагдуулам~
Өвөөгийнхөө авьяасыг өвлөсөн, Киви хамтлагийн дуучин, мэргэжлийн төгөлдөр хуурч, бас болоогүй телевизийн шоу нэвтрүүлэгт шүүгч, гээд олон тодотголын эзэн бол Намуунаа.
Хөрслөг бор арьс, хөвсгөр урт үс гээд гадаад төрхөөрөө Английн алдарт дуучин Leona Lewis-тай тун төстөй гэхэд хилсдэхгүй.
Уран бүтээлийнхээ хажуугаар өөрийн гэсэн аз жаргалтай амьдралыг цогцлоон, хүний халамжит хань, хөөрхөн гүнжийн ээж болсон билээ.
Урлаг хэмээх салбарыг сонгосон л бол үзэгч сонсогч олныг уран бүтээлээрээ байлдан дагуулахын сацуу өөрийн гадаад гоо үзэсгэлэн, биеэ авч явах соёл гэсэн зүйлсээр үлгэрлэдэг гэдэг.
Тэгвэл авьяас билэг, бие хаа, гадаад төрх, хүмүүжил гээд олон талаар гоо сайхан байдлыг бүрдүүлсэн түүний фэн залуус улам бүр ч нэмэгдсээр байгаа юм.
