Бодибилдингын спорт бол тэсвэр тэвчээр, хүч хөдөлмөр шаарддаг онцлогтой спорт. Зөвхөн эрчүүдийнх мэт ойлгодог байсан цаг үе өнгөрч, харин бүсгүйчүүд энэ спортоор хичээллэх хандлага сүүлийн жилүүдэд эрс нэмэгдсэн.
Энэ спортын эмэгтэйчүүдийн томоохон төлөөлөгч болоод буй тамирчин бол Б.Угалзцэцэг. Тэрээр хамгийн сүүлд Тайланд улсад болсон Дэлхийн аварга шалгаруулах тэмцээнд түрүүлж Бодибилдингийн дэлхийн дөрөв, Азийн гурван удаагийн аварга болсон амжилтыг үзүүлээд байгаа билээ.
Хөдөлмөр зүтгэлийг нь үнэлж түүнийг МУГТ гэсэн хүндтэй цолоор шагнах шийдвэр гарсан байна.
