~Хөлбөмбөгийн ДАШТ 2018: Шилдэг 16 баг шалгарлаа~
Хөлбөмбөгийн ДАШТ-ий хэсгийн тоглолтууд өчигдөр өндөрлөж, шөвгийн 16-д өрсөлдөх багууд бүрэн тодорлоо.
Тодруулбал, өнгөрсөн шөнө ‘G’, ‘H’ хэсгийн тоглолтууд явагдаж, шөвгийн 16-д өрсөлдөх сүүлийн дөрвөн багийн нэр тодорхой болов.
‘G’ хэсгийг Бельгийн шигшээ баг нэг ч ялагдалгүй итгэл төгс тэргүүлсэн бол Англичууд зургаан оноотой удааллаа.
‘H’ хэсгийг Колумбийн баг зургаан оноотой тэргүүлж, Ази тивийн төлөөлөл японы шигшээ баг хоёроор гарах болзол хангав.
Ингээд хасагдах шатанд шалгарсан шилдэг 16 баг болон тоглолтын хуваарийг танилцуулъя.
