Америкийн их дуулга тэмцээнд бахдам амжилт үзүүлсэн залуу тамирчин Наоми Осакаг тойрсон нэгэн мэдээлэл цацагдаад байна.
Тодруулбал Японы автомашин үйлдвэрлэгч “Ниссан моторс” компани талбайн теннисний US Open тэмцээний шинэхэн аварга Наоми Осакаг компанийнхаа шинэ нүүр царайгаар тодруулсан байна.
Тэрбээр өнгөрөгч бямба гарагт талбайн теннисний ганцаарчилсан төрөлд АНУ-ын алдарт теннисчин 36 настай Серена Уилямсыг ялж, 20 насандаа дэлхий дахинд өөрийгөө таниулсан бөгөөд Их Дуулгын тэмцээнээс цом хүртсэн анхны Япон тамирчин болсон байна.
