Ерөнхий сайд Ж.Эрдэнэбат БНХАУ-д албан ёсны айлчлал хийж буй. Айлчлалынхаа үеэр тэрбээр БНХАУ-ын дарга Ши Жиньпинд бараалхсан бөгөөд энэ үеэр тус улс манай улсад тулгараад буй эдийн засгийн хүндрэлийг даван туулахад туслалцаа үзүүлэхэд бэлэн байгаагаа мэдэгдэж, ирэх гурван жилд 2 тэрбум юанийн буцалтгүй тусламж үзүүлэхээ илэрхийллээ.
Түүнчлэн цаашид хөдөө аж ахуй болон уул уурхайн салбарт хамтран ажиллаж, Тавантолгойн төслийг дагалдах төмөр зам, эрчим хүчний станц барих ажил, Оюунтолгойн ордын үйлдвэрийн төсөлд хамтарч ажиллах нь хоёр улсын хувьд харилцан ашигтай хэмээжээ.
