Энэ онд Монгол Улсын Ерөнхийлөгчийн ээлжит сонгууль болно. Сонгуулийн ажлыг зохион байгуулах бэлтгэл ажил хэдийнэ эхлээд буй бөгөөд өнөөдөр буюу энэ сарын 15-наас эхлэн сонгуулийн байгууллагад ажиллах ажилтнуудад зориулсан сургалтыг Монгол Улсын Сонгуулийн ерөнхий хороо зохион байгуулж, эхлүүлээд байна.
Байнгын бус ажиллагаатай сонгуулийн байгуулагад ажиллах төрийн захиргааны болон төрийн үйлчилгээний албан хаагчид ирэх сарын 3-н хүртэл сургалтад суух бөгөөд сургалтаар Сонгуулийн тухай хууль тогтоомжийг танилцуулан, зааж сургах юм. 21 аймаг, 9 дүүрэгт болох сургалтад хамрагдаж, сонгуулийн байгууллагад ажиллахаар 3000 гаруй төрийн албан хаагч хүсэлтээ ирүүлээд буй.
О.Ундармаа
