Нийслэлийн ИТХ-ын ээлжит хуралдаан өнөөдөр хуралдана. Хуралдаанаар хотын дарга С.Батболдын албан тушаалаас чөлөөлөгдөх хүсэлтийг хэлэлцэх товтой байгаа билээ.
Ерөнхий сайд У.Хүрэлсүх хотын дарга С.Батболдыг хангалтгүй ажиллаж байгаа шалтгаанаар огцруулах саналаа нийслэлийн ИТХ-д хүргүүлээд байсан. Гэвч хотын дарга С.Батболд өөрийн хүсэлтээр огцрох өргөдлөө өгсөн тулд Ерөнхий сайд саналаа буцаан татсан байна. Ингэснээр НИТХ-ын өнөөдрийн хуралдаанаар Ерөнхий сайдын огцруулах санал бус хотын дарга С.Батболдын ажлаас чөлөөлөгдөх хүсэлтийг хэлэлцэх юм.
Мөн энэ хуралдаанаар Улаанбаатар хотын 2019 оны төсвийг батална.
