Өмнөговь аймгийн Баян-Овоо сумын Засаг дарга санаачлан бүх нийтийг интернеттэй болгох зорилгоор сумын Тамгын газар, Өмнөговь аймгийн Мэдээлэл холбоо сүлжээ ТӨХК-тай хамтран техникийн шинэчлэл хийжээ.
Техник шинэчлэлийн хүрээнд Баян-Овоо сумын төвийн гурван байршилд өндөр хурдны WIFI төхөөрөмж байршуулсан байна. Баян-Овоо сумынхан 2018 оны гуравдугаар сарын 1-ний өдөр хүртэлх хугацаанд энэхүү интернетийн сүлжээг үнэ төлбөргүй ашиглах юм байна.
