Тээврийн цагдаагийн алба, Замын хөдөлгөөний удирдлагын төвөөс хамтран нэвтрүүлж буй, замын хөдөлгөөний дүрэм зөрчсөн жолоочийг иргэдийн мэдээллээр торгох “E-Police” аппликэйшн ажиллаж эхэллээ.
Энэ нь иргэд, жолооч нарын замын хөдөлгөөний соёлыг дээшлүүлэх, дүрмийн зөрчлийг бууруулах, иргэдийн оролцоо хяналтыг нэмэгдүүлэх, болзошгүй аюулаас урьдчилан сэргийлэх зорилготой юм.
“E-Police” аппликэйшнийг ухаалаг гар утасныхаа PlayStore, AppStore-оос үнэ төлбөргүй татаж, утасны дугаараа оруулан, системээс ирсэн кодыг хийснээр та шууд ашиглах боломжтой ажээ.
