2016 оны 12 дугаар сарын 20-ны өдөр “I”, “II, “III” ангилалд бүртгэлтэй 28 хувьцаат компанийн 42,824 ширхэг хувьцаа арилжигдсанаас 14 хувьцаат компанийн хувьцааны ханш өсч, 10 хувьцаат компанийн хувьцааны ханш буурсан бол 4 хувьцаат компанийн хувьцаа тогтвортой байлаа. Үүнээс “Ган хийц” компани хамгийн өндөр буюу 14.78 хувиар өссөн бол “Монголын цахилгаан холбоо” 14.65%, “Монгол савхи” 9.51%-иар тус тус өслөө. Энэ өдөр багцын арилжаагаар “Мерекс” ХК-ийн нийт 31,204,000 ширхэг хувьцаа, ЗГҮЦ-ны анхдагч болон хоёрдогч зах зээлийн арилжаагаар 647,560 ширхэг үнэт цаасыг арилжиж нийт 61.2 тэрбум төгрөгийн гүйлгээг хийлээ.
Энэ өдөр “MSE ALL” индекс 836.02 нэгж болж 0.03%-иар өссөн бол зах зээлийн үнэлгээ 1,448,230,768,317.00 төгрөг болжээ.
