Манай улсад анх 2005 онд Хавдар судлалын үндэсний төвд 16 ортой хөнгөвчлөх, хими эмчилгээний тасаг нээгдэж байсан.
Харин хоёрдахь тасаг /2018.11.05/-ний өдөр Баянгол дүүргийн Эрүүл мэндийн төвд 10 ортойгоор нээгдлээ.
Уг тасагт хорт хавдрын эсрэг хими эмчилгээ, хавдраар өвдсөн иргэдэд шинж тэмдгийн эмчилгээ асаргаа сувилгаа хийж, сэтгэл зүйн зөвлөгөө өгөх юм байна.
“Хавдаргүй монгол” сангаас 2016 онд БГД-ийн Эрүүл мэндийн төвд хоёр ортой өрөөг тохижуулж өгсөн бөгөөд 10 ортой тасаг болгон өргөжүүллээ.
Уг тасагт хавдар, хөнгөвчлөх эмчилгээний эмчээр найм дахь жилдээ ажиллаж буй мэргэжлийн хоёр эмч, гурван сувилагч, нэг асрагч ажиллах юм байна..
