Нүүр хуудас Нийгэм Тариалангийн бүс нутгаар цочир хүйтрэх төлөвтэй байна

Тариалангийн бүс нутгаар цочир хүйтрэх төлөвтэй байна

186
0
tarialangiin-bus-nytag
Тариалангийн бүс нутгаар цочир хүйтрэх төлөвтэй байна
~Ирэх сараас тариалангийн бүс нутгаар цочир хүйтрэх төлөвтэй байна~

Энэ сарын 20-ны байдлаар улаан буудайн ургалтын байдал Хэнтий аймгийн Гурванбаянд дунд, бусад нутгаар хэвийн үнэлгээтэй байна.

Увс, Хэнтий, Дорнод болон Сэлэнгийн хойд хэсгээр сүүн бололт, Төв, Дархан-Уул, Булган, Хөвсгөлийн нутгаар аарцан бололтын үе шатанд оржээ.

Буудайн тариалан бүхий ихэнх нутгаар 80-89 см, Булганы Ингэттолгой, Сэлэнгийн Баруунхараа, Дорнодын Халхголд 55-69 см өндөр ургасан мэдээтэй байна. Аарцан бололтонд орсон нутгаар ургацын бүрдэц тодорхойлсон мэдээнээс үзэхэд нь га-гаас 7.8-10.9 центнер хурааж авахаар төлөвтэй байна.

Есдүгээр сарын урьдчилсан мэдээгээр нэгдүгээр арав хоногийн дунд үе болон сүүлч, хоёрдугаар арав хоногийн дунд үе, гуравдугаар арав хоногийн эхээр сэрүүсч тариалан бүхий нутгаар хөрсөн дээр цочир хүйтэрнэ.

Гуравдугаар арав хоногийн сүүлийн хагаст хүйтэрч шөндөө хасах градуст орох төлөвтэй байгаа тул ургац хураалтыг талбайн болцоос хамааран ангилан болон шууд хадах ажлыг зохион байгуулахыг Ус цаг уурын байгууллагаас анхаарууллаа.

ХАРИУ ҮЛДЭЭХ

Please enter your comment!
Please enter your name here