Нүүр хуудас Нийгэм Эрдэнэт хотод гурван ихэр охин мэндэллээ

Эрдэнэт хотод гурван ихэр охин мэндэллээ

188
0
erdenet hot_gurwan iher
Эрдэнэт хотод гурван ихэр охин мэндэллээ
Орхон аймаг өнгөрсөн оны сүүлээр 3 ихэр хүүхэд өлгийдөн авч баяр хөөртэй Эрдэнэт хотын өдрөө тэмдэглэн өнгөрүүлсэн. Тэгвэл 2018 он гарсаар дахин 3 ихэр охин тус аймгийн БОЭТ-ийн төрөх тасагт мэндэлсэн байна.

Тодруулбал өчигдөр өглөө Орхон аймгийн их залуу багийн иргэн н.Одхүүгийн гэр бүл 2120, 1820, 1890 жинтэй гурван охиноор бүл нэмж гэргий Цэрэннадмид нь алдарт эхийн 2-р одонгийн болзол хангаж байна.

н.Одхүүгийн гэр бүл дөрвөн настай охинтой. 3 ихэр төрснөөр дөрвөн охинтой болж байна. 28 настай гэр бүлийн хоёр энэ баярт явдлыг билэгшээж, аав, ээжийн үүрэг хариуцлага нэмэгдэж байгааг хэлж байлаа. Гэр бүлийн хоёр хоёул багш мэргэжилтэй бөгөөд Булган аймгийн Бугат сумын сургуульд багшилдаг гэнэ.

Өмнө нь 2004, 2017 онд БОЭТ-ийн төрөх тасагт гурван ихэр хүүхэд мэндэлж байсан. 2018 он нарсаар анхны гурван ихэр мэндэлж байгаа нь энэ бөгөөд эх нярайн биеийн байдал тогтвортой сайн байна. Сүүлийн таван жилийн хугацаанд Орхон аймагт төрөлт эрчимтэй буурч байсан.

Харин 2018 он гарсаар өмнөх оны мөн үетэй харьцуулахад төрөлт өссөөр байгаа юм. Нийт шинээр мэндэлж буй хүүхдүүдийн 48 орчим хувь нь охин бол 52 хувь нь хүү байгаа юм.

ХАРИУ ҮЛДЭЭХ

Please enter your comment!
Please enter your name here