Рок-н-роллын хаан Элвис Пресли ӨНӨӨДӨР төржээ
Өөрийн амьдран байсан он цаг үеийн хамгийн шилдэг нь, рок-н-роллын хаан бол мэдээж Элвис Пресли. Тэрээр эх орныхоо хайртай хүү нь, гайхалтай дуучин, кино жүжигчин гээд янз бүрээр цоллуулдаг байсан.
1935 оны энэ өдөр тэрээр Миссисипи мужийн Тьюпело хотын ядуу, сүсэг бишрэлтэй айлд Элвис Аарон Пресли төржээ.
Рок-н-роллын хаан Элвис Пресли
Сүмийн найрал дууны хүүхэд, сургуулиа төгсөөгүй жаал хүүгийн амьдралын зам тийм ч амаргүй байсан юм. Тэрээр ажилчин, ачааны машины жолооч, цахилгаанчийн туслах хийж байгаад рок-н-роллын хаан нь болсон юм.
Тэрээр эхийнхээ төрсөн өдрөөр 1953 онд дөрвөн доллараар уян пянзанд өөрийн дууг бичүүлсэн байна.Түүний дуунд уярсан бичлэгийн урлангийн эзэн Сэм Филлипс (1923–2003) тэр танихгүй залууд дахин хэдэн дуугаа бичүүлэх санал тавьжээ.
Хэдэн сарын дараа тэр анхны бичлэг дэлгүүрийн лангуунаа гарсан байлаа.
Преслийн анхны сингл «Heartbreak Hotel» нь 1956 оны нэгдүгээр сарын 10-нд бичигдснээс хойш түүний алдар нэрийн замнал эхэлсэн гэж болно.
