Нүүр хуудас Соёл урлаг Таван жилийн хугацаанд бүтээгдсэн “Чингис Хаан” анимэйшн үзэгчдэд хүрнэ

Таван жилийн хугацаанд бүтээгдсэн “Чингис Хаан” анимэйшн үзэгчдэд хүрнэ

676
0
Chinggis Khaan
Таван жилийн хугацаанд бүтээгдсэн "Чингис Хаан" анимэйшн үзэгчдэд хүрнэ
Монголчуудын үүх түүхийг харуулсан “Чингис Хаан” бүрэн хэмжээний анимэйшнийг “Ocean Pictures”-ийн хамт олон, таван жилийн хугацаанд бүтээж дуусчээ.

Энэхүү бүтээлийг энэ сарын 31-нээс эхлэн кино театраар үзэгчдийн хүртээл болгох талаар уран бүтээлчид мэдээлэл хийв.

Уг бүтээл нь Монгол Улсад кино урлаг үүсч хөгжсөн 80 гаруй жилийн хугацаанд дэлхийн стандартад нийцсэн 2D болон 3D хосолсон бүрэн хэмжээний анхны анимэйшн болж буйгаараа онцлог юм.
“Монголын нууц товчоо”-ноос сэдэвлэсэн “Чингис Хаан” бүрэн хэмжээний анимэйшныг Монгол Улсын Ерөнхийлөгч Х.Баттулгын ивээл дор бүтээжээ.

Тус хүүхэлдэйн киноны бүтээлд гадаад дотоодын олон анимейшны мэргэжилтэн хамтран ажилласан бөгөөд хоёр жилийн судалгаа шинжилгээний дүнд байгалийн бүрэн зураглалыг гаргасан байна.

“Ocean pictures”-ийн уг бүтээлийг монгол хүн зохиож, найруулсан бөгөөд морин хуур, хөөмий, ятга гээд монгол үндэсний хөгжмийн зэмсгүүдийг оруулж, монгол дуу оруулалттай хийснээрээ онцлог аж.

“Ocean pictures”-ийн уран бүтээлчид “Монголын Нууц Товчоо”-оос сэдэвлэн бүтээсэн “Чингис Хаан” бүрэн хэмжээний анимэйшн хүүхэлдэйн киног алдартай “Walt Disney” компанийн формат чанарт бүрэн нийцсэн анимэйшн бүтээл болсон” гэв.

ХАРИУ ҮЛДЭЭХ

Please enter your comment!
Please enter your name here