Нүүр хуудас Улс төр Байнгын хорооны ажлын хэсгийн бүрэлдэхүүнийг танилцууллаа

Байнгын хорооны ажлын хэсгийн бүрэлдэхүүнийг танилцууллаа

159
0

Монгол Улсын Хөгжлийн банкны тухай хуулийн шинэчилсэн найруулгын төслийн талаар Байнгын хорооны санал, дүгнэлтийн төсөл бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 2017 оны 01 дүгээр сарын 16-ны өдрийн 14.00 цагт “В” танхимд хуралдлаа.

Хуралдаанд Улсын Их Хурлын гишүүн, ажлын хэсгийн ахлагч Ж.Ганбаатар, гишүүн Х.Болорчулуун, Л.Элдэв-Очир нар Эдийн засгийн байнгын хорооны ахлах зөвлөх Ж.Батсайхан, зөвлөх С.Энхцэцэг, референт Н.Эрдэнэцэцэг болон ажлын дэд хэсгийн гишүүд оролцсон юм.

Ажлын хэсгийн ахлагч Байнгын хорооны ажлын хэсгийн бүрэлдэхүүн болон дэд ажлын хэсгийн гишүүдийг танилцуулав.

Хуралдаанаар хуулийн төслийн талаар Монголбанк, Сангийн яам, Хөгжлийн банкны удирдлагуудаас асуулт асууж, хариулт авчээ.

Ажлын хэсгийн гишүүд хуулийн төслийн зүйл, заалт нэг бүрээр ярилцаж, гишүүдээс гарсан санал, зөвлөмжийн дагуу зарчмын зөрүүтэй саналын томьёолол бэлтгэж дараагийн ажлын хэсгийн хуралдаанд танилцуулахыг ажлын дэд хэсэгт үүрэг болгосон юм.

Хуулийн төсөлтэй холбоотой саналаа яаралтай ирүүлэхийг Монголбанканд даалгаж, ажлын хэсгийн дараагийн хуралдааныг 2017.01.20-ны өдрийн 13.00 цагт хийхээр тогтов.

ХАРИУ ҮЛДЭЭХ

Please enter your comment!
Please enter your name here