Нүүр хуудас Улс төр Кубын төрийн тэргүүнд нэр дэвшигч Диас Канелийг “Марксист” хэмээв

Кубын төрийн тэргүүнд нэр дэвшигч Диас Канелийг “Марксист” хэмээв

145
0
Cuba-ulsiin eronhiilogchiin songuuli
Диас Канель нь залуудаа рок хөгжим сонсдог, үсээ урт ургуулж либерал үзэлтэн шиг байсан ч намын нөхөд нь түүнийг жинхэнэ Марксист гэж үнэлдэг байна

Тус улсын төрийн тэргүүний албанд төрийн зөвлөлийн орлогч дарга Мигель Диас Канелийн нэрийг албан ёсоор нэр дэвшүүлээд байна. Одоо Кубын парламент буюу Үндэсний ассамблейд түүнийг төрийн тэргүүнээр сонгохыг санал хураалтаар батлах үлдэж байна.

Гэхдээ нэр дэвшихийг нь 100 хувь дэмжсэн, өөр нэр дэвшигч байхгүй учир Мигель Диас Канель Төрийн зөвлөлийн тэргүүн болох нь эргэлзээгүй гэдгийг хэвлэлүүд тэмдэглэж байна. Диас Канелийг Кубын хувьсгалчдын шинэ үеийн төлөөлөл гэж нэрлэдэг. Одоо 57 настай Диас Канель нь Кубын хувьсгалын удирдагч Фидель Кастро төрийн эрхэнд гарсны дараа төрсөн. Диас Канель нь инженерийн боловсролтой. Залуудаа рок хөгжим сонсдог, үсээ урт ургуулж либерал үзэлтэн шиг байсан ч намын нөхөд нь түүнийг жинхэнэ Марксист гэж үнэлдэг байна.

Диас Канелийг Рауль Кастрогийн баруун гар гэдэг. 2009-2013 оны хооронд Дээд боловсролын сайдаар ажиллаж байсан. 2013 оноос Төрийн зөвлөлийн тэргүүний орлогчийн албыг хашиж байгаа юм.

Гэхдээ анх 1986 онд Залуу Коммунистуудын холбооноос улс төрд орсонд тооцогддог. Тэрээр империализм, Кубын тэрс үзэлтнүүдтэй тэмцэхийг уриалагч нэгэн.

ХАРИУ ҮЛДЭЭХ

Please enter your comment!
Please enter your name here