Энэ оны мал тооллогын урьдчилсан дүнг өнөөдөр /2016.12.27/ Үндэсний статистикийн хорооноос танилцууллаа. Тус хорооноос Хүнс хөдөө аж ахуй, хөнгөн үйлдвэрийн яамтай хамтран арванхоёрдугаар сарын 8-наас 17-ныг хүртэл 16 аймагт мал тооллого явуулжээ. Мал тооллогын урьдчилсан дүнгээр 2016 оны жилийн эцэст манай улсын мал сүргийн нийт дүн 61 сая 542 мянган толгойд хүрчээ. Энэ нь өнгөрсөн оныхоос 9.9 хувь буюу 5 сая 562.3 мянгаар өссөн байна. Манай улс 1918 оноос хойш малын тоо толгойгоо тоолж эхэлсэн түүхтэй. Үүнээс хойш малын тоо анх удаа 2016 онд 61 сая 542 мянган толгойд хүрсэн байна 
