Бидний нэрлэж заншсанаар Гэмтлийн эмнэлэг буюу Гэмтэл согог судлалын үндэсний төв “Үйлчлүүлэгчдэд ээлтэй орчны шинэчлэл”-ийн нээлтээ өчигдөр хийлээ.
Олон улсын жишигт нийцсэн, шинэлэг шийдлээр эмнэлгээ тохижуулахдаа зөвхөн төсвийн мөнгө харж суулгүй аж ахуйн нэгж, хувийн хэвшлийн байгууллагуудаас дэмжлэг авч тохижилтоо хийсэн байна.
Энэ үеэр тус төвийн жолооч И.Сүхбатыг олон жил улсад үр бүтээлтэй ажилласныг нь үнэлэн Хөдөлмөрийн хүндэт медалиар, Эрүүлийг хамгаалахын тэргүүний ажилтнаар хоёр хүнийг, ЭМЯ-ны жуух бичгээр дөрвөн хүнийг шагналаа.
