Нүүр хуудас Нийгэм ” Химон констракшн” ХХК-ийн бүх ажилтан албан хаагчид нь дотоодын иргэд байдаг.

” Химон констракшн” ХХК-ийн бүх ажилтан албан хаагчид нь дотоодын иргэд байдаг.

583
0

Хөдөлмөр, нийгмийн хамгааллын сайд Н.Номтойбаяр М-Си-Эс Кока-Кола ХХК болон Химон констракшн ХХК-ийн үйл ажиллагаатай танилцаж  үйлдвэрийн  үйл ажиллагаа, ажиллах хүч, хөдөлмөр эрхлэлтийг нэмэгдүүлэх чиглэлээр санал солилцсон юм.

Өнгөрсөн хугацаанд МАК ХХК-ийн цементийн үйлдвэр болон Оюутолгой ХК-ийн үйл ажиллагаатай газар дээр нь очиж танилцсан юм. Өнөөдрийн уулзалтын үеэр Н.Номтойбаяр сайд Засгийн газраас хэрэгжүүлж буй хөдөлмөр эрхлэлтийг нэмэгдүүлэх чиглэлээр ажиллах, ажлын байрыг нэмэгдүүлэх чиглэлээр хамтран ажиллах хүсэлтэй байгаагаа илэрхийллээ.

Н.Номтойбаяр сайд хэлэхдээ “Засгийн газрын зүгээс авч хэрэгжүүлж буй арга хэмжээний үр дүнд эдийн засаг сэргэж байна. Энэ хэрээр хөдөлмөрийн зах зээл дээр эрэлт бий болж байна. Өчигдөр Оюутолгойн уурхай дээр очиж ажиллаа. Далд уурхайн бүтээн байгуулалтыг дагасан ажлын байр мянга, мянгаараа нэмэгдэхээр байна. Өнөөдөр М-Си-Эс Кока-Кола ХХК дээр ажиллаж байна. Энэ үйлдвэрт одоогийн байдлаар 700 хүн ажиллаж байгаа юм байна. Тун ойрын хугацаанд 650 ажлын байр шинээр бий болохоор байна. Тиймээс хөдөлмөрийн асуудал хариуцсан сайдын хувьд хөдөлмөрийн зах зээл дээр ямар эрэлт бий болж байна. Үүнийг ямар байдлаар хангаж ажиллах вэ гэсэн чиглэлээр ажиллаж байгаа юм. Манай яамны харьяа МСҮТ-үүдийн оюутнууд бий. Тэднийг ажил олгогчдын зүгээс тавьж буй шаардлагын дагуу бэлтгэх зорилготой байна” гэлээ.

Үүнийхээ дараа Н.Номтойбаяр сайд Химон констракшн ХХК-ийн барилгын ажлын явцтай танилцсан юм. Тус компани нь барилгын ажилдаа нэг ч гадны ажилтан аваагүй. Бүх ажилтан албан хаагчид нь дотоодын иргэд байдаг гэдгээрээ ихээхэн онцлогтой юм. Энэ нь Монгол Улсын Засгийн газар болон ХНХЯ-наас барьж буй гадаадаас авах ажиллах хүчний тоог багасгаж дотоодын ажилчдын тоо хэмжээг нэмэгдүүлэхтэй бодлоготой уялдаж байгаа юм.

ХАРИУ ҮЛДЭЭХ

Please enter your comment!
Please enter your name here