Энэхүү үйл ажиллагаанд Цагдаагийн ерөнхий газарт ажиллаж байгаад гавьяаныхаа амралтад гарсан 70 гаруй ахмад ажилтан хүрэлцэн ирсэн юм. Цагдаагийн ерөнхий газрын Тэргүүн дэд дарга, Цагдаагийн хурандаа Р.Отгонжаргал хүндэтгэлийн үйл ажиллагааг нээн үг хэлж, ахмад буурлууддаа сар шинийн мэнд дэвшүүлэн, эрүүл энхийг хүслээ. Монголын цагдаагийн байгууллагад өргөсөн тангарагтаа үнэнчээр ажиллаж ирсэн үе үеийн ахмадууддаа сар шинийн мэндийг дэвшүүлсэн юм.
