~”Эко Баян-Өндөр” төслийн хүрээнд 60 тонн төмс хураан авчээ~
Орхон аймгийн Баян-Өндөр сум 21 багтай. Эдгээр багийн ажилчдыг Монгол орны эрүүл хөрс шороонд ургасан хүнсний ногоогоор хангах зорилгоор “Эко Баян-Өндөр” төслийг хэрэгжүүлж байна.
Энэ хүрээнд 4 хүлэмжинд нарийн ногоо, өөр бусад талбайд чацаргана, үхрийн нүд, лууван, манжин, төмс тариалжээ.
Хамгийн гол нь цэвэр Монгол сортын үрээр тарьж ургуулсан нь онцлог гэнэ. Өнгөрсөн амралтын өдөр ургац хураалт хийсэн бөгөөд 6 га талбайд тариалсан төмснөөс 60 орчим тонн төмс хурааж авчээ.
