Монголын кино урлагт сүүлийн жилүүдэд залуу уран бүтээлчид өөр өөрсдийн чөлөөт уран бүтээлд ихээхэн анхаарлаа хандуулж байгаа билээ.
Инээдмийн цуврал бүтээлээрээ өрсөлдөх болсон залуу жүжигчдийн өөрсдийн өнгө төрхийг харуулсан уран бүтээлүүдийг дурдаад илүүц биз.
Энэ бүгдээс сүүлийн үед үзэгч олны хүртээлд ихээхэн хүрээд буй Aldar + Jerry инээдмийн цувралын шинэ ангийг хүлээдэг үзэгч олон болжээ.
Aldar+Jerry инээдмийн цуврал нь IPTV-д ороод удаагүй хэдий ч залуу үзэгчдийг байлдан дагуулж үзэлтний тоогоороо ч нэлээд өндөр үзүүлэлттэй контент болоод байгаа юм.
Залуу хосуудын харилцааны асуудлыг хөгжилтэйгөөр харуулж чадсан Aldar + Jerry цувралын 7, 8, 9-р анги 11 сарын 13-ний өдрөөс эхлэн IPTV-н видео санд нэмэгдэн үзэгч залуустайгаа уулзахаар болжээ.
